Komal Kislay ke Anchal me, Nanhi Kalika Jyon Chupti si,
Godhuli Ke dhumil Patt me, Deepak ke Swar me Dipti si,
Nirav
Nishith me Latika si, Tum Kaun aa rahi ho Baddhti..?
Komal Bahe phailaye si, Aalingan ka Jadu Paddhti..!
Sab Ang Mom se Bante Hai, Komalta me Bandh Jati ho,
Tum Simti Rahi si Apne me, Parihas Geet Sunati ho,
Tum Kaun..? Hridaye ki parvashta..! Sari Swatantrata Chheeen Rahi,
Swachhand suman jo khile Rahein, Jeevan Van se ho been Rahi..!
Phulon ki Komal Pankhudiyan, bikhri Jiske Abhinandan mein ,
Rashchhand milati ho Apna, Swagat ke kumkum chandan se,
Sandhya ki laali mein Hasti, Uska hi Aashray Leti si,
Chhaya Pratima Gunguna Uthi, Sradha ka Uttar Deti si,
Tumhe Dekh Aati Upwan mein, Matwali Koyal Boli thi,
Ussh Suunya Santata me, Alsayi si Kaliyon ne Aankhein Kholi Thi,
Jab Likhti thi sarash Hansi tum, Honthon se Phulon ke Anchal mein,
Hum Apna kalkanth milate the, Jharanon ke komal Kal kal mein,
Ve phul aur Muskan rahi saurabh, saurabh Niswans chhana,
Vah kalrav, vah sangeet, Arre vah Kolahal Ekant Bana,
Saundaryamayi chanchal krriti ban kar, tum samaksh hi Naach rahi,
Meri Aankhon ko Rok Vahi, Aage Baddhne se Jaanch Rahi,
Mein dekh raha hoon, jo kuch bhi, vah sab kya chhaya Uljhan Hai..?
Sundarta ke parde mein kya..? Anya dhara koi dhan hai..?
Kaushal yah Komal Kitna Hai, To tum Durbhedya Banogi Kya..?
Chetan Indriyon ki meri Aasha, Meri hi haar banogi kya..?
Sur-Balaon ki sakhi rahi tum, Unki hritantri ki laya thi,
Tum Apne Maan ko Suljhati, Vah raag bhari thi Madhumay thi,
Shrutiyon mein chupke-chupke se, tum Madhudhara si ghol Rahi,
Esh Neeravta ke Parde se, jaise phir tum kuch bol rahi,
Mera prem tumhare Prati, Kitna Nishchhal, sundar Bhola-Bhala,
Rangon ne Jinse Khela, Vahi Pushp Anchal mein dala,
Esh Chanchal Upvan mein, tum teetli ho Matwali,
Tab mein Phulon ki Mashlan Hoon, Jo banta Gaalon Ki laali,
Ush lata Kunj ki Jhilmil se meri Premika Khel Rahi,
Phulon ke som-sudha Rash se, Vah mere Hriday se Mel rahi,
Tum usi Chapal ki dhatri ho, Apni Mahima Sikhlati,
Thokar jo Lagne Wali ho, Usko Dheere se Samjhati,
Ujjwal vardan chetna ka, Saundarya jise sab kehte hai,
Jisme Anant Abhilasha ke Sapne sab sajte rahtein hai,
Usi se,
Mein Aaj samajh hi paya hoon, tum keval Nishchhal
Naari Ho,
mere Avyay ki Komalta le, tum Sada Swayam se Haari ho,
tum mere pag pag me keval aapna hi parichay deti ho,
Sabke Hriday ke Saaz Saja kar, jeevan path ki abhi-dhatri ho,
Tum keval sundar naari ho, Tum keval sundar naari ho,
Tum keval sundar naari ho, Tum keval sundar naari ho,
- Dedicated to all womens, Girls & Mothers
- Suraj Kumar Singh Chauhan
Please Give your Valuable Rating to this poem as I am trying to
Improve the Quality of my Abstracts As per Time Processing..?
If you have any suggestions or Query please Mail me at:
suraj_tarun@hotmail.com
suraj_tarun@rediffmail.com
surajlovesonal@gmail.com
If any body want to Hire Professional Writers for Subjects Like,
Science, Biology, Physics, Chemistry, Math, English, Contact at below given number
or you may contact me at:
+91-9960229721
Thanking you..!