Koi chehraa,
Koi manzar, koi baarish, koi patjhhad
Tere dil ko jub chhuyega, aur khamosh guzar jaayega
Ek hi sawaal tumse poochhega, ek hi baat dohraayega
Bataao
jaan kya ye
ehsaas tum
mehsoos nahi karte?
Kabhi bebas khayaalon mein mere tum khhoye hoge
Koi toota hua sheesha, jub tere haathon se takraayega
Reh rehkar tumhein mera khayaal ye karvaayega
Bataao jaan kya ye ehsaas tum mehsoos nahi karte?
Bewafaa mujhko kaho, ilzaam mujhko dedo tum sanam
Phir bi mere hone ka ehsaas tere dil mein utar aayega
Tujhko beintehaa sataayega, tujhko behudd rulaayega
Bataao jaan kya ye ehsaas tum mehsoos nahi karte?
Mujhse nazrein churaaoge, mujhse khudko chhupaaoge
Mujhe dekhoge jub bhi, mera wajood tum par chhaayega
Dil ko sau baar tatologe, mera rastaa ye bhi bataayega
Bataan jaan kya ye ehsaas tum mehsoos nahi karte?
Tera zaam tujhe aage mere jhhukne nahi dega
Tera guroor, tere har dard ko bus dil mein dabaayega
Tera mujhse khhafaa hona, mujhe bechain karta rahega
Bataao jaan kya ye ehsaas tum mehsoos nahi karte?
Agar chaaho to jhhutlaao mere daave, mere waade
Jo main toot ke bikkhrun, tera dil bhi toot jaayega
Jeene ka koi bahaana tujhe bhi meri tarah nazar na aayega
Bataao jaan kya ye ehsaas tum mehsoos nahi karte?
Jidhar jaaun mere aansu hi naseeb mera banke chalenge
Jo na hoga tu paas, na khush ho sakunga, na ro paaunga
Saath jo tujhse chhoot gaya to jeet –e jee hi marrjaaunga
Bataao jaan kya ye ehsaas tum mehsoos nahi karte?
by Farheen
More reviews about the Ehsaas