Bharat sirf ek pruthvi pe bichha hua zameen ka tukda nahi hai.bharat ek samuh hain jisme tarah tarah ke log rehte hain chahe voh kisi bhi dharm ya mazhab se ho. yahape koi hindu hain to koi muslim hain, koi sikh hain to koi isai hai. sabhi log isme milzulkar rehte hain.yahan pe muslim log hindu ka tyohar me sarikh hote hai to hindu bhi muslim logo ka tyohar dil khol ke manate hai. isi liye to ise sirf ek desh nahi balki bhavnao aur rishto ka samuh kaha jata hain.
lekin main apse puchhana chahta hu ki itne saare guno ke bavjud bhi kya apna bharat ek garib desh hain. main nahi manta ki bharat garib hain,bulki bharat me rehne vale log garib hain kyoki ek viksit desh main jo hona chahiya vo sabkuchha bharat me hain.jaise ki kisibhi desh ko pragati karane ke liye jin chijo ki jarurat hoti hain vo sari chije bharat me hain. jaiseki bharat kudrati sampada se samruddha desh hain kudrati sampada jaise ki barah mahine behne vali nadiya, jungle,khanij. ye sabkuchh hone ki bavjud bhi hamara desh dushre desh jitna viksit kyo nahi he? ye sabhi chijo ka desh mein hone se desh viksit nahi ho jata, balki in chijo ka upyog bhi hona chahiye jo ki bharat me nahi hota. agar bharat me in sab chijo ka upyog nahi hota to iske pichhe bhi kuchh karan hai, jaise ki rajnaitik vichardhara, masino ki kami aur kabil logo ki kami. is liye hamara bharat garib nahi he. lekin unme rehte vo log jo ki hamare desh ki kudrati sampati ka upyog nahi karte vo log garib hain.
agar hamare desh ke logo ki sareras avak(per head income) ki tulna hum kisi aur desh ke logo se kare to vo bahut kum hain.jaise ki bharat logo ki sareras avak 480$ hain jinke mukable japan desh ke logo ki avak karib 37550$ hain jo ki bharat se kahi jyada hain. iska sirf ek hi karan hain ki japaj ke log vaha ki kudarati sampada ka hum se jyada upyog karte hain aur vo log humse jyada hoshiyar hain. unke pass adhunik technoloy hain.
agar bharat ko viksit banana hain to hame yani ki bharatvasi ko amir banana hoga. hame apne desh me mojud vo sari sampada ka upyog karana hoga aur iske liye hume kabil banana hoga. hamare desh ki sarkar ko hamari kudarati sampadaoka jyada se jyada upyog ho esi kuchh vyuhrachanaye banani hogi. jis din kudarati sampada ka bharat me jyada se jyada upyog hoga us din bharat viksit desh banega.